Hygend, die kinders van vandag word nie meer groot gemaak soos wat ons groot gemaak is nie. Ek is nog nie eers ‘n ma nie, maar ek sien die generasie gaping in my vriendinne, niggies en nefies se kinders. Selfs meneer hartseer se kinders wat baie streng groot gemaak word, se groot word jare….. Is anders as waaraan ek gewoond is.

Ek het ‘n uitnodiging na my niggie se dogtertjie se negende verjaarsdag partytjie gekry, so sommer per epos. Ons gaan ‘n Hanna Montana party hou… Hanna Montana? Blykbaar  is die kind Hanna mal.

Ek onthou toe ons verjaar het, het ons dit bietjie anders gedoen. Ma of buurvrou het jou koek gebak en die temas was in die lyn van My little pony of Barbie…. Ek dink nie ons het ons eie Hanna Montana gehad nie. Ek dink die naaste wat ons daaraan gekom het was dalk Saartjie.  Die boeties sou trein koeke gehad het, of Sarel Seemonster, Superman en Ghost Busters. Daar was resies kar koekies gemaak van Boudier koekies en baby jellies, jelly-tot halssnoere… Ons het geslip en slide op seile en sunlight seep. Ons het blikaspaai gespeel, geswem, cowboys en crooks saam die seuns gespeel… All in the name of fun!

Vir verjaarsdag presente het ons boeke, bord speletjies, popklere, speel plate en selfs skryf papier vir mekaar gee. Ek hoor die kinders van vandag kry DVD’s, MP3’s, Xbox, WII…

Meneer Hartseer se oudste was al by ‘n  ysskaats partytjie, naweek weg na Sun City tot waar die Parletones opgetree het. Ek meen, die Parletones vir ‘n 13 jarige se feesviering? By haar ouerhuis? Ons het nie eers sulke extravagant parties gehad toe ek op hoërskool was nie. Ons het gewoonlik grass parties gereël waar jy pouses op die skool se grasperk koek gesit en eet het.

 Nou wonder ek, indien ek kinders het eendag en ek wil hulle nie grootmaak volgens vandag se standaarde nie, of ek hulle gaan ontneem van ‘n kans tot gewildheid?