Nou het julle al agter gekom die Here is glad nie haastig nie en is vreeslik geduldig? Dit het veertig jaar geneem voor Moses aangesê is om die Israeliete uit Egipte te lei. Dit het sewentien jaar van voorbereiding geneem voor Josef vanuit slawerny bevry is. Twintig jaar, voor Jakob uit Laban se beheer los gekom het en dan praat ek nie eers van Sarah en Abraham wat eers in hulle oudag geseën was met die seun waarvoor hulle so lank op gewag het nie.

As ek in een van hierdie situasies moes gewees het, sou ek tien teen een al lankal op moedverlore vlakte gaan sit het. God werk met ‘n plan wat ‘n proses bewerkstellig en ek hou nie van prosesse nie, want dan broei jy, maak plannetjies, raak moerig, raak bang….. Maar o die vet weet ek is nie gemaklik hiermee nie. Toe ek Jesaja 30:18 lees, toe week ek….. Dit is wat tans wat in my lewe gebeur. God werk sagkens met my, Hy is geduldig met my…. I need to return the favour, vir my eie gemoedstoestand.

“Yet the Lord longs to be gracious to you; He rises to show you compassion. For the Lord is a God of justice. Blessed are all who wait for him!.”

Die Here het elkeen van hierdie dienaars geroep om ‘n sekere taak in Sy Koninkryk te verrig. Tog was Hy nie vreeslik haastig om hulle vinnig te wys wat Hy vir hulle beplan nie, want die proses en wat hulle uit die proses moes leer was baie groter as die eindproduk.

Soos wat ek nou hier met erge gemoedsbekakking sit en broei onder die komberse besef ek die Here het groter planne vir my, maar ai…. Ek sal meer geduldig moet wees want dit proses gaan nie net pynlik wees nie, ek gaan die les mis.

Simpel sproet gesig… Plaas dat ek die Here ervaar, skop ek teen die prikkels. Ek wil regtig nie veertig jaar in my selfgemaakte woestyn rond drentel oor ek nie luister nie… Dit is wat ek die laaste 30 jaar gedoen het en ek is nou pretty gatvol vir misoeste en misfortune.

Haal diep asem…. Geduld…..