Girl van die Suburbs » gewigsverlies http://www.girlvandiesuburbs.co.za 'n Voorstedelike Engel Tue, 07 Sep 2010 10:27:26 +0000 en hourly 1 GI (Jane) Lean? http://www.girlvandiesuburbs.co.za/2010/01/gi-jane-lean/ http://www.girlvandiesuburbs.co.za/2010/01/gi-jane-lean/#comments Mon, 04 Jan 2010 19:04:52 +0000 Girl van die Suburbs http://www.girlvandiesuburbs.co.za/?p=1566 Goeie dawner! Op versoek van die dokter en op aanmoediging van ‘n goeie vriend het ek mos nou gedink dit sal wel beter wees as ek op ‘n lae GI dieet gaan, want my suiker is nie so lekker nie. So alhoewel ek met my bak popcorn hier langs my sit… (Ek is ook nie regtig lus vir my popcorn nie want dis absoluut so sleg so karton sonder my geel sout…Ja…. Ek het die Aromat uitgegooi) voel dit of die dood my betree…. Maar hulle sê dis normaal.

Ek dink nie my lyf weet regtig wat hom getref het nie. Ek eet nou baie meer as wat ek gewoond is en is so moeg! Soveel meer as waaraan ek gewoond was…  Die bedonnerde entjie mens (voel maar so van die naweek af) eet gewoonlik net een keer ‘n dag en hierdie 5 keer ‘n dag affere het gemaak dat ek nou my foon stel op intervalle en ek eet soos ‘n melkkoei op aanvraag. Ek het wragtig op die bank aan die slaap geraak na werk en ek het nie eers so hard gewerk vandag nie. Ek voel of ek sal moord pleeg net vir ‘n ou koppie koffie! Ek gaan ook vrek swaar afskeid neem van die wyn! Dis ‘n goeie toss-up tussen die twee op die oomblik!

Ek het my boet so bekyk oor die naweek en ons is uit die selfde mould gesny… Ons altwee is geneties bietjie geskroef en ek wil nie so groot soos hy raak nie. Dis nogal verbasend om te sien… ek en hy raak al hoe groter en ma en pa al hoe kleiner en ons almal sukkel met die selfde probleempie!

Maar ek gaan nou slaap. Ek reken more voel ek beter en op my stukke en die wêreld is my oester… of eier… of oats… of ….

Dit is dus voorneme nommer een… Ek gaan die tjoepie deflate…

]]> http://www.girlvandiesuburbs.co.za/2010/01/gi-jane-lean/feed/ 53