Dit is seker nie lewensveranderende dilemmas vir elkeen nie en daar is heel waarskynlik mense daar buite wat dit baie swaarder as ek het… maar ek is eenvoudig net nie meer gelukkig nie en ek wil nou ophou settle vir tweede beste. Ek is seker ek kan elke liewe gekrap aan my siel verander, maar dit gaan goeie beplanning en baie deursettingsvermoë verg… maar ek sukkel met die motivering. So nou weet ek eintlik nie waaroor moan ek nie? Die te kort aan motivering of die dinge wat ek wil verander? Fokkit ek is al voos gedink. Hoe het meneer hartseer altyd gesê? The world supports action….

Fout nommer een – My beroepskeuse

Ek is seker baie mense kan hul vereenselwig met die een… Maar ek het regtig draaie geloop. Ek wou nog altyd in die regte ingaan. Het selfs Latyn op skool geneem en ek was reg vir die ding…. Tot ek gehoor het van ‘n nuwe kursus wat baie meer kreatief en stimulerend is en viola… Ek het na die graad vang toe nooit in die rigting in gegaan nie en ek is tans in ‘n helemaal ander sektor van die ekonomie. Ek het geen motivering om in die oggend op te staan nie. Dis mind numbing, uiters vervelig en die mense maak my klaar. Waar begin ek met fulfilment? Ek wil regtig nie elke dag van my lewe voel ek maak geen verskil nie…Ek is altyd die een wat motifeer en ek is nou moeg vir my eie begeestering.

Fout nommer twee – My eksperiment jare

Ja-Ja….Ek het met dwelms geëksperimenteer en alhoewel daar fisies geen blywende skade is nie… sukkel ek om te onthou. Ek was altyd vlym skerp met ‘n geheue soos ‘n olifant… wel ek dink dit is wat my probleem want ek oefen die brein baie. Dit frustreer my geweldig baie want ek is meer ditsy as gewoonlik. Hoe de hel kry ek my brein weer skerp soos altyd?

Fout nommer drie – My verhoudings

Ag, ou Boends se stukkie het my weer laat dink. Daar is baie spyt oor verhoudings wat ek nie kan reg maak nie en dan is daar die wat veroorsaak het dat ek myself verloor het. Ek kan egter net uit die verlede leer en harder werk aan die wat nog in my nabyheid is. Dat een persoon soveel mag in my lewe gehad het om so baie te verwoes… Ook net my skuld. Hoe leer ek om meer versigtig te wees oor wie ek in my lewe toelaat?

Fout nommer vier – My talente

Ek kan nie onthou wanneer laas ek ‘n verfkwas opgetel het nie? Ek kan ook nie onthou wanneer laas ek op ‘n klavier getokkel het nie. Ek was so goed daarmee. Dit voel vir my ek het opgehou leef. Waar kry ek weer daai lus om te probeer al weet ek, ek gaan suck in my eerste paar pogings? Hmmm… die maatemmer storie… Hulle word mos weg gevat?

Jack Nicolson het gesê “MAYBE THIS IS AS GOOD AS IT GETS…” Ek weier om dit te glo. Dalk moet ek net ‘n nuwe busbestuurder êrens uitkrap?

]]> http://www.girlvandiesuburbs.co.za/2009/08/my-bus-se-wiele/feed/ 20