Daar besluit ek en Hoefyster mos nou om op die warmste dag in die geskiedenis (dit het so gevoel) na die Pretoria dieretuin te gaan. Kyk, dit was great en nogal ‘n belewenis maar ek wou dood gaan van die hitte. Die diere wou dood gaan van die hitte. Ek was braaf… en selfs die reptiele trotseer wat ‘n moerse prestasie is want ek is so bang vir ‘n gesplete tong dat ek myself so bietjie-bietjie wil nat maak as ek een sien… al dis dit op die kassie of agter glas. En raai wat… selfs hulle wou dood gaan van die hitte, want omtrent elke slang het in hul bakkie water gaan krul om af te koel.
En daar verloor ek my hart op een van die inwoners. Sommer een van die eerste hokke waar ons verby stap. Siende dat ek nou die nuwe luiperd-whisperer is… glo ek sy naam is Nunu want dit is waarop hy gereageer het. (Toe ek hom op die naam roep toe kom hy aangehardloop) Net so verby die kabelkarretjies is die luiperd se hok. Jy bekyk hom so deur die glas… Maar ou Hoefyster ken toe mos ‘n ander aansig en daar stap ons om die hok na die agterkant, waar daar geen glas is nie… maar net draad.
Ek glo as enige werker ons gesien het, was ons onmiddellik uitgegooi en sirenes sou loei, maar ons was gelukkig. Oor die eerste heining en jy is by die draad wat as die enigste skeiding tussen jou en die ondier dien. Ons wou nog nader sluip om ‘n foto van agter te neem toe Nunu besluit dis speel tyd en het regtig soos ‘n huiskat tekere gegaan. Hy het net soos Oscar gereageer op my stem, stemtoon en my bewegings. Selfs die tweede keer toe ek terug gaan om te gaan groet toe hardloop hy nader.
As ek kon het ek hom wragtag huis toe gebring.
46 Comments
Awwww…..
Ja, nee. Die laaste paar dae se hitte was geen mens of dier se maat nie. Gelukkig koel dit lyk my vandag so bietjie af.
Hy’s beautifull. Tog net jammer dat hy in ‘n hok moet wees.
Ek reken die ergste koue hier in Pretoorsdorp is nou gebreek en dat ons maar die baadjies kan begin wegpak
Hy is cute, ne MeeA… I just wanted to take him home!
Ja, jissie oukie… die wolke maak sulke waves hier bokant my. Die blitse slaan in die weste… dis gaan beslis kom reen!
Jy reken plasie… Daar het wel Saterdag laat middag ‘n briesie gewaai…. Ek dink dit mag dalk sneeu aanwaai
You just never know, you know….
Sjoe, hy’s pragtig!
Ek wil juis die dieretuin vra of hy iemand het wat met hom speel want ek kan nie dink dat ‘n wilde dier so speels kan wees nie…
Hy is beautiful! Die laaste keer wat ek by die dieretuin was, was laas jaar einde Mei en dit was vrek warm – julle is regtig braaf! Moet wel weer ‘n draai maak, my amper vier jarige sal dit baie geniet!
Hmmm
Nell, dit is dalk ‘n goeie tyd om jou te vertel dat een van die beamptes vir ons deur die venster gekyk het. By die kabelkarretjie, ek neem aan hy het besef dat ons nie die dier skade wou doen nie.
Ek het een keer ‘n tier nat gegooi. Nie gou weer nie. Die tier het amper uit die put geklim en my kom klap vir my moeite.
Hey Alet
Dankie vir die inloer!
Vir ‘n vierjarige… kry ‘n golfkarretjie… Dis ‘n moerse lang stap… Ek wou doodgaan van moegheid!
heheheh Hoefie
REGTIG!!!!!!
Pragtige nuwe liefde van jou.
Ekke wil ôk so ‘n kietie hê . . .
I was very very hot that day I was in the pool the whole day
I can only imagine how hot the zoo was
Not so sure about taking him home – you might land up lunch
Met so ‘n groot kat in jou huis sal jy net ‘n klein hoekie van jou bed oor hê om op te slaap. Dis hoe dit hoort natuurlik.
jissie Ingrid… Ek dink nie my katjie sou so ingenome gewees het as ek daai meneer met die kar afgelaai het nie.
En dan kan jy saam hom buite speel Krista…. Kom ons maak beurte… Ek kry hom een week dan vat jy hom die ander week?
The heat is juts one good reason why I will never move back to Pta Sally… It is way cooler here on the West Rand!
Andrew
Ek in ‘n klein hoekie le? Pfff…. Ek neem die hele bed oor man. Daai luiperd kan op die golfbaan slaap… saam die Jakkals!
Dis wat jy nou sê, as daai gespikkelde kiettie eers in jou huis is dan lê julle twee lepel oppie bed.
Het jy dan ‘n Jakkals, of is dit maar wild daar in die omte?
Ja… Daar is soos in regtig ‘n Jakkals daar by my. Hy skree so saam die tarentale en poue en die kiewiete en wille ganse en uile… Take your pick!
Uuhhmmm ek dink nie Oscar sal dit laaik as ek my bed met iemand (iets anders deel nie!
Ek gooi solank vir jou ‘n heavy-duty-industrial-naelvyl-en-knipper in jou kerskous
Wow … jy is gelukkig om in so ‘n plek te bly jy hoef amper nie te worrie oor die dieretuin nie. Hoe verlang ek nou na my hoennertjie toe ek in die army was. Sy naam was Connection en hy het saam my geslaap.
Heheh… Oukie…
Gaan jy hom kom vashou terwyl ek hom gaan prober groom?
Connection… Het julle ‘n special connection gehad?
Is jy nou ernstig? Nou moet jy die storie vertel!
Ja regtig maar die storie is te lank om hier te vertel. Hy het selfs blue movies saam my gekyk in die kantien. En toe raak hy weg en ek word deur die bevelvoerder op orders geplaas en aangekla van hoenerdiefstal. Ek het amper my rang verloor.
Hy is inderdaad iets om na te kyk…
Ek smag na so bietjie behoorlike sonskyn, maar ten minste was dit vandag bietjie warmer as laasweek.
Jislaaik… blue movies IN DIE KANTIEN!!!
Jinne so julle almal sit sommer so in ‘n ry en kyk na die gevryery op die screen… 
Hey kaalvoet!
Bly om te sien jy is nog in die omtrek!
Ek hou van sonskyn, maar damn ek het darem gesweet soos ‘n sirkus olifant hoor. Ek het elke uur ‘n ou faktortjie SPF 50 aangespuit!
Ek wens weer ek kon die vreemde daar by jou verken!
Bwhaha… Sies Oukie… Net nou was Andrew soos die enigste een wat hoender daai aand geeet het!
DMI, ek sal eerder sterf van die honger voor ek my buddies eet. Weet jy ek kan tot vandag nie glo dat die bevelvoerder my verdink het nie, die simple ding maar fok hom anyway.
Girlie ja maar dit was nie in ‘n ry nie, ek het my voete op ‘n ander stoel gesit en Connection het op my bene gesit, partymaal op my skoot en skouer. In die aand bokant my bed in my rondawel.
Shame man…
oor Connection!
maar ek kan nie glo julle kyk porn terwyl julle actually moes veg vir volk en vaderland nie!
Wat was jou rang?
Bwahahaha … porn is sinoniem met die army, dit vorm selfs deel van jou opleiding. Jy word gedwing om die wreedste dinge denkbaar te kyk soos necklacing en net daarna switch hulle oor na proes flicks. Ek dink dis veronderstel om jou hard te maak.
Ek was ‘n bicycle in die army, ie lieutenant, heel onder op die pip ranglys, almal trap op jou.
Neeeeee genade… G’n wonder ou army manne is so bietjie bos bevange nie… Necklessing en dan sommer blou movies…
Laat my terug dink aan my Lt. Pretorius wat so hard na my gevry het toe ek std 9 en matriek was. Die stomme man het selfs na my skool konserte kom kyk. Hy was jonk… Maar 20. Ek wou niks weet nie… Dit was so cool… toe hy in Mosselbaai was het ons nog propperse briewe v mekaar geskryf. Op vasity toe ek besef ek laaik die man dalk meer as wat ek dink…. Toe het hy moed opgegee en het ‘n ander tjerrie gaan soek.
Ek gaan kyk of ek hom weer kan opspoor. Jis… Dis nou ‘n trip down memory lane….
Jissie Nell, mooi katjie daai jong.
So enetjie of ‘n ou leeuwelpie is al sedert 2 jarige ouderdom op my Kersfeeslysie, maar no such luck
Ai Maxie… Dalk moet ons by die zoo gaan aanklop vir vrywillger werk?
Maar ons moet mooi op die vorm aandui ons was nie vensters nie. Ons skuif nie die asblikke nie (want ek het die naweek outjies gesien wat dit moes doen)
Ons wil net daar wees om met die diere te speel…
Ag fraai, man. Nou jammer dis nie ‘n ou cheetahtjie nie, maar dis darem close enough.
Die hunting lazyhorse is pissies, soos n mens kan verwag. Hulle en die Leeus was MIA.
Nell
Daai harde werk bestaan nie in my vocab nie…
Ons sal hulle wel voer en die speelwerk doen.
Askies dat ek nou so ‘n spanner in jou worx gooi, maar WEET Oscar jy het hom VERNEUK?
Oe, my girl, jy is nog nie ge-ignore totdat jou kat jou propers ignore nie, hoor vir my.
Jy beter maar vir hom vertel dit was sommer niks, en daai ander een is nie die helfte so mooi soos hy nie. Net vir vredesonthalwe.
Ai vlam…. Cheetah? Ek reken jy is jou span se grootste fan!
LoL Hoefie…. Ek reken dis oor dit so warm was dat die ander weg gekruip het. Ek neem hulle nie kwaalik nie.
Oe… Ja nee Maxie ek stem… Nie eers hok skoon maak nie.
Hehehehe Antie… Oscar dink hy is ‘n Jack Russel, want hy is nie ‘n tipiese kat nie. Hy ignore my nooit nie…. Wil net speel en liefde gee. Hy kan wel sulk… Maar dan soek hy nogsteeds aandag.
Die liewe ou dier x x x