As entrepreneur, jong verloste stadsjapie, extraordinaire was ek vanmiddag bevoorreg om vroeg huiswaarts te keer. Ek het toe gaan stap toe al in die stofpaadjie langs, die vertakking verby die bloekom bos. Ek is mal oor my paadjie want dit wakker die sintuie aan en maak jou kop oop. Ek was so bietjie ontsteld oor ‘n opmerking wat ‘n kollega gemaak het, en tipies oos rand Afrikaner het hy nie die geselskap in ag geneem toe hy die onsensitiewe aanmerking gemaak het nie. Ek hou nie daarvan as mense grappe maak oor iets wat hulle nie verstaan nie. Dit is vir my ‘n teken van ignorance.
Die gesprek het heel goed begin met die name van die kliënte met wie ons elke dag te doen kry, siende dat ons regsaspekte ook dek werk ons met kopieë van hulle identiteitsdokumente so ons sien die tradisionele boere tradisie van geslagte familie name aan een persoon, tot die byderwetse Afrika name wat ons sukkel om uit te spreek… en van daar het die gesprek afdraand gegaan
Ek besluit toe om onder een van die bloekom bome skuiling te gaan soek en met die skop van die klippies voor my in die stof wonder ek hoekom ‘n persoon se naam nou so belangrik is Wat is in ‘n naam? Maak dit regtig saak wat mense daarvan dink? Dit is net ‘n ekstensie van wie jy is en as jy selfversekerd is en gelukkig is met jouself, maak hierdie klein detail mos nie saak nie. . Ek self verstaan nie die Afrika kultuur nie, maar ek is eerder ‘n Beauty of ‘n Precious voor ek ‘n Johanna Jacoba de derde is. Daar is myns insiens, geen identiteit in ‘n familienaam nie. Jy word ‘n kloon….Beauty is baie expressive…. Maar dis ook net ek…. Ek sal my ouers ewig dankbaar wees oor hulle nie vir my ‘n familie naam gegee het nie, dus hoef ek ook nie die tradisie voort te sit nie.
Met hierdie hele vernuwing wat ek ondergaan word ek al hoe meer bewus van die groot onderskeid tussen die menslike wêreld en die wêreld wat God wil hê ons moet deel wees van. Dit maak regtig nie saak wat mense van jou naam dink nie, want in Jesaja 43 staan daar: “ Ek het jou op jou naam geroep, jy is Myne.” Wees liewer bekommerd of jy gelukkig genoeg is om wel op jou naam geroep te word.
8 Comments
Ek het ‘n GROOT ding met name. Ek glo dat elke mens op ‘n unieke uitsonderlike naam geregtig is. Ek is baie bly dat ek niemand ken met dieselfde naam as ek nie.
Ek het nou die dag ‘n meisie gesien met die naam Lunch. Ek wonder wat die betekenis daar agter is.
Hoor-hoor! @ “ Ek het jou op jou naam geroep, jy is Myne.” Wees liewer bekommerd of jy gelukkig genoeg is om wel op jou naam geroep te word.
In dieselfde asem…ek haat dit eintlik as mense my naam afkort maw…moet my NOOIT OOIT Lynn noem nie, ek verpes dit, dissie my naam nie.
Moet ook sê, met my verjaarsdag het my Pa hierdie einste woorde vir my gesê: “Onthou, Hy het jou by die naam geroep, jy is Syne, jou naam is in die Groot Boek geskryf en niemand kan dit uitwis nie”
Dit was wonderlike woorde van my Pa af en het my baie tranerig en bewoë gehad.
Hello A3
Ek het op fb gaan kyk en daar is net 16 van ons wereldwyd (wat gelys is)! Maar ek ken niemand wat my naam het nie. Ek het joune ook gaan tel, maar jis daar is miljoene Adri’s
Nie een van my ma se kinders het familie name nie. Ek het wel gedink ek sal my seun dalk my oupa se name gee want dit is regtig mooi. My arme ma is Aletta Cecilia Maria en op skool was sy altyd Aletta alhoewel dit nie haar noem naam is nie.
Oh my word… LUNCH? is jy seker?
Middag Nie-Lynn-Nie
Dit is regtig spesiaal dat jou pa dit vir jou gese het, wonder hoeveel jong mense wel die impak verstaan en dit wel waardeer?
Is ‘n naam maar nie net iets waarmee jy letterlik geroep word nie. Maak dit net soveel makliker as mens ‘n groep is.
Jou naam maak jou tog nie wie jy is nie, so of jy Johanna Sophia of Precious is…. jy bly tog jy.
ek is die pope.
regtig. dit was my nick in counterstrike een keer. sweer