Hierdie stadskind is regtig dankbaar dat daar ‘n hoofstuk aan die afsluit is in my lewe. Die sleutel draai in die slot met die hoop dat alles van gister agter gelaat sal word, want die stukkie hartseer wat vir my uitgekerf is is nou al sewe keer omgedraai om in die gat te pas. Dit is nie altyd maklik om die storie van ons te vertel nie, want hoe verduidelik ek dat ek lief was selfs vir die monsters in jou skaduwee. Jy was wie jy was, oor die tekortkominge wat jy nie kon verhelp nie. Die lewe het jou in die steek gelaat. Ek glo dit in my hart. Ek het besluit om elke stukkie herinnering aan ‘n toutjie vas te maak en aan die einde van daardie toutjiel ‘n balon ….. So sal ek jou dan stukkie vir stukkie laat gaan.
Die huilende gesuis
Van die wind deur die bome,
Herinner jou
Aan vergete drome.
Net jy alleen
Met heimwee in jou hart.
Geen trane meer
Net ‘n tikkie smart.
Vorentoe kyk
Na ‘n toekoms wat wag
‘n Lewe om te leef
Kans om die seer weg te lag.
‘n Hoofstuk gesluit.
Begin ‘n nuwe boek,
Maak net doodseker
Dat jy na die regte tema soek.
Word hernu
Maak jou geslote hart oop
Steek jou hande uit
En reik na môre se hoop.
Die vele verwagtinge,
Beloftes wat dit bied.
Dalk doen jy die ontdekking
Gister se seer is in die verlede gegiet.
16 Comments
Jy sal my verstaan en vergewe wanneer ek as woordelose toeskouer in die skadu van daardie boom na hierdie mooi post staar, ja?
Ek is saam met Elf in die skadu van daai boom en staar…baie mooi!
Hello Tweeling en Elf
BAIE DANKIE! Nou is ek speechless
ek bewonder jou moed, girl… en sien saam met jou uit na elke kans om die seer weg te lag. mag die lag al hoe voller en meer eg wees.
Maak jou geslote hart oop…..BAIE BELANGRIK, Girl! Trust my!
More
Nell
Ek wil nie snaaks wees nie, maar jou more is al eergister.
Hi Annderster
So werk ‘n mens maar deur die dinge! Dit is wat so lekker is van die blog….. Bietjie terapie!
More Tweelingkind
Ek sukkel maar om die hart oop te maak….. Die een dag is ek op die kruin van happiness en die volgende dag word die vloer met my gevee…. MAAR, groot MAAR….. Dinge gaan beter word! Dit weet ekke.
More Ysterklou
Die inspirasie het my verlaat….
Die eergister was darem lekker dankie!
Neelsie
Dan is jy nou amptelik ‘n blogger.
(((Girly))) Steek jou hande uit na môre se hoop!
As jy eendag die moed het, vertel my van hom, ’seblief?
Hello Elfie
Ek sal jou met graagte van hom vertel. Ek weet net nie aldag wat om te vertel nie. Hy het twee ekstreem kante gehad en ek weet nie aldag hoe om oor daardie ervarings te praat nie.
Dankie Ouma Wipsnoet
Dit is net die wag op more wat my aan die gang hou!
Jy is reeds hier, ‘n beter plek. Jy sien dit net nog nie raak nie.
En ek het ‘n Virus…..
Ek weet ek is op ‘n beter plek, en is elke dag dankbaar daarvoor. Ek wens net egter die proses gaan bietjie vinniger want daar is nog ‘n entjie wat gestap moet word.