Ek het nog altyd geweet ek is ‘n regte ou softy en dat ek heeltemal te maklik huil. Ek verstaan nie hoe my draadwerk aanmekaar geslaan is dat sekere gebeure my nie aanstaan nie, terwyl dit ander mense se kraantjies oopdraai of dat ek weer tjank terwyl ander mense weer net hulle kop skud. Vanaand is weer een van daardie aande….. En ek is nie eers hormonaal nie. Dalk is ek net ‘n regte girl.
Hierdie stadskind het hierdie advertensie vir die eerste keer gesien vanaand en genade dit het my hartsnare geraak. Dit laat my terug dink aan die stukkie in The Shack waar God aan Mack verduidelik dat alhoewel voëltjies besluit om op die grond te loop in plaas daarvan om te vlieg, hulle nie die vermoë verloor het om te kan vlieg nie.
Ons settle te maklik vir tweede beste; ons vergeet te maklik daar is ‘n groter doel as wat ons raak sien; ons verloor te maklik moed wanneer stormwinde waai.
Kan jy dit nou oorvertel? Hierdie cheetah het my weer hoop gegee, want weereens raas die Here met my oor ek grense afgebaken het wat my inperk. Ek moet ophou twyfel en wonder en gis en raai….. Ek is nog te dom om Sy planne raak te sien.Wat ‘n stunning advertensie!
9 Comments
Ja, ek het ook gister aand getjank toe ek dit sien!!! My krane draai maklik oop, ekke dink die washers is stukkend!!! Ek verstaan ook nie my wiring nie, die drade is deurmekaar!
Ek is bly ek het jou gevind, ek gaan baie lekker by jou kuier, ek weet en sien sommer!!!
Lekker dag!!
Hellooooo Wipsnoet!
Dankie vir die inloer by my plekkie!
Ja-nee kyk! Die cheetah se gesiggie lyk so hartseer en toe sy so rondval to ROL die trane! En tog moet ek bly wees want sy het oorleef!
Ek het toevallig ook gisteraand die advertensie gesien. Ironies genoeg het ek ook Sondag ‘n artikel oor jagluiperde gelees. Die advertensie het ook ‘n paar gedagtes by my opgewek, maar niks in die lyn wat julle ervaar het nie.
Ek het gedink dit is cool dat die vrou die jagluiperd soos ‘n getroue hond behandel.
Dit het my opgeval dat sy Afrikaans met die dier praat terwyl die advertensie in Engels is.
En wat my met ‘n voorhamer geslaan het, haar kar het ‘n Windhoek registrasie.
More A3
So jy hou nie van die ad nie?
Die meisie wat hulle in die advertensie gebruik het is Marlice van Vuuren wat ook toevallig die eienaar is van N/a’an ku sê Wildlife Sanctuary in Namibia, daarom die Windhoek nommerplaat.
Ek dink hulle wou die advertensie onopgesmuk hou, daarom is nie sy voorgesê hoe om te praat en wat om te sê nie. Ek praat nooit met Oscar in Engels nie, al is die mense in ons geselskap Engels….. Ek dink dit is op dieselfde beginsel.
Gaan kyk bietjie op haar website http://www.ecotourism-namibia.com …. Daar is ‘n hele afdeling vir fotografie en verfilming… Die girl is for real met haar voorliefde vir haar diere, daarom volg ou tripod haar soos ‘n hond rond.
Genade! Het nogal my man gisteraand geroep om dit te kom kyk! Ons girls is almal dieselfde
Nee! Eendag sal ek leer om Afrikaans te praat.
Wat ek bedoel het is dat ek nie ‘n knop in my keel gekry het van die advertensie nie. Die goed wat ek gelys het, was vir my interessant, alles bewyse dat dit nie ‘n act is nie.
Die ad is cool, ek het nogal daarvan gehou – al het ek nie ‘n traan gestort nie.
WoW A3, ek dink jy is dan enige man se droom. Klink my jy is baie min emosionele maintenance!
Ek weet nie wat deesdae met my aangaan nie, want ek ervaar alles emosioneel!
Jong, Carina….. Ek dink ons wil alles wat stukkend is heelmaak.
Ek het Marlice gou gaan stalk, en sy het beslis ‘n moerse interessante lewe.